Komunikadu Imprensa ba Tour de Timor
Atu distribui imediata, data 9 de Augusto
Parseria ida ne’ebé kleur loos ona ba Timor-Leste ninia eventu turizmu no desportiva ne’ebé koñesidu dala ida tan konfirma ona bainhira Timor Telecom ho orgulho anunsia sira nia apoiu ba Tour de Timor 2018.
‘Tinan barak nia laran Tour de Timor hetan ona apoiante husi setór privadu,’ Sr. Johny Guteres nu’udar portavós Tour de Timor hateten, ‘maski nune’e, Timor Telecom iha relasaun ida ne’ebé espesiál ho korrida ida ne’e, tanba involve ona dezde korrida ne’e hahú.
Patrosinadór husi Timor Telecom hanesan sasán sei fó apoiu komunikasaun importante ba organizadór, voluntáriu no liu-liu ba siklista sira. Sr. Guterres hatutan tan katak: ‘Tinan ida ne’e Timor Telecom tulun ami atu bele asesu ba internet iha fatin akampamentu ho di’ak, halo ita nia siklista sira bele komunika ho sira nia kolega no família kona-ba progresu. Ho liga mundu ba Timor-Leste no ita nia korrida ba mundu ami hakarak atu reforsa reputasaun Timor Leste nu’udar destinasaun ba turista ne’ebé seguru no furak nune’e mós ba investidór sira.
Alende apoiu sasán, Timor Telecom mós inklui apoiu servisu SMS ho valór boot atu informa komunidade sira kona-ba eventu no informasaun kona-ba dalan sira ne’ebé mak sei taka
Manuel Joaquim Capitão Amaro, Country Director ba Timor Telecom, hateten “Ne’e sai ona hanesan onra boot ba Timor Telecom atu apoia Tour de Timor no la iha eksepsaun ba tinan ida ne’e. Liu husi tinan barak nia laran ho parseria ida ne’e TT sempre satisfás ho rezultadu husi organizasaun no tinan-tinan ami koko buat hotu atu responde ho pozitivu ba apoiu ne’ebé ami iha atu fó. Ha’u hakarak hato’o ha’u-nia boa sorte ba siklista sira hotu no ho apoiu husi Timor Telecom mai ita promove Timor-Leste ba mundu liu husi Tour de Timor”
Tour de Timor sei hala’o entre loron 4 to’o 8 fulan Setembru. Iha loron lima nia laran siklista sira sei halai ho distansia liu 430 Km no sa’e foho kuaze metru 10.000. Ho kondisaun ida ne’e mak halo eventu ne’e sai hanesan Korida MTB iha Asia ne’ebe famozu tebes no eventu ne’ebe nakonu ho dezafiu iha mundo. Atu hetan informasaun barak liu tan bele vizita ami nia website no buka ami iha Facebook:
Siklista no voluntariu sira bele rejistu ba eventu ne’e online liu husi wensite ka maim rezistu diretamente iha fatin Tour de Timor.
Comments are closed.